UZCARD жана HUMO төлөм системалары менен интеграциялык долбоорлор техникалык даярдоону аяктоо жана биринчи кызматтарды ишке киргизүү жакынкы аралыкта пландаштырылган.
Ташкентте өткөн V Эл аралык Plus-Форум Digital Uzbekistan – 2025 алкагында «Банктар Аралык Процессинг Борбору» ЖАК башкармалыгынын төрагасынын орун басары Туратбеков Алтымыш Туратбекович Өзбекстандын төлөм тармагынын негизги өкүлдөрү менен бир катар стратегиялык маанилүү жолугушууларды өткөрдү. Тактап айтканда, “Бирдиктүү Бүткүл республикалык процессинг борбору” АКнын (UZCARD төлөм системасынын оператору) кызыкчылыгын коргогон “UCMG” ЖЧКсынын башкаруучу компаниясынын коммерциялык директору Закиров Олимжон Асрарович , ошондой эле “Улуттук банктар аралык процессингдик борбору” АК Башкармалыгынын Төрагасынын милдетин аткаруучу Мухитдинов Максад Мансурович (HUMO төлөм системасы) менен сүйлөшүүлөр жүргүзүлдү.
Кыргыз делегациясы мурда кол коюлган меморандумдардын алкагында макулдашууларды ишке ашырууну улантууда, трансчек аралык төлөмдөрдү интеграциялоо долбоорунун практикалык фазасына өтүүдө. Жолугушуулар эки өлкөнүн ортосундагы биргелешкен трансчегаралык төлөм кызматтарын даярдоону аяктоо жана ишке киргизүү боюнча маанилүү кадам болуп калды.
«Биз жөн гана төлөм шлюзун түзбөстөн, узак мөөнөттүү өнүгүүгө багытталган туруктуу санариптик экосистеманы түзүп жатабыз», – деп баса белгиледи Алтымыш Туратбеков. «Биз миллиондогон колдонуучуларды бириктирүүгө, трансчек аралык төлөмдөрдү жөнөкөйлөштүрүүгө, сооданы, туризмди жана башка аны менен байланышкан тармактарды өнүктүрүүгө стимул берүүгө, экономикалык интеграцияга жана аймактын санариптик трансформациясына көмөк көрсөтүүгө жөндөмдүү туруктуу, технологиялык жактан жетилген инфраструктураны түзүү жөнүндө болуп жатат».
Өнөктөштүктүн негизги аспектилери: UZCARD менен Кыргызстан менен Өзбекстандын колдонуучуларынын ортосунда P2P которууларды ишке ашыруу аяктап жатат, HUMO менен эки өлкөнүн соода жана тейлөө түйүндөрүндө банк карталарын өз ара тейлөө боюнча долбоорду ишке киргизүү (жер үстүндөгү операциялар) акыркы баскычта. Долбоордун экинчи этабында HUMO жана «Элкарт» колдонуучулары системалар ортосунда онлайн которуу мүмкүнчүлүгүнө ээ болушат, UZCARD карталары Кыргызстанда, ал эми «Элкарт» карталары Өзбекстанда тейленет.
Кыргызстан менен Өзбекстандын ортосундагы төлөм интеграциясы бирдиктүү санариптик инфраструктурага жол ачат, анда мамлекеттер ортосундагы чек аралар каржылык транзакцияларга тоскоолдук кылбайт. Эки өлкөнүн колдонуучулары жашаган өлкөсүнө карабастан төлөм кызматтарын эркин жана ыңгайлуу пайдалана алышат. Кыргызстан менен Өзбекстан бирдиктүү санариптик мейкиндикти калыптандырууга карай маанилүү кадам таштоодо, мында технологиялар рынокторду жана адамдарды жакындатуу үчүн иштейт. Бул күнүмдүк каржылык транзакцияларды жөнөкөйлөтүп гана койбостон, бүтүндөй аймактын туруктуу экономикалык өсүшү үчүн жакшы шарттарды түзөт.
Форум жөнүндө
Plus-Форум Digital Uzbekistan – 2025 — Борбор Азиядагы санариптик трансформацияга жана технологиялык эгемендүүлүккө арналган аймактын эң чоң платформасы. Көңүл чордонунда – финтех, e-Gov, жасалма интеллект, киберкоопсуздук, исламдык каржылоо, санариптик соода жана төлөм технологиялары.