Тез өнүгүп жаткан санариптик дүйнөдө төлөм технологиялары бизнестин ийгилигинин негизги факторуна айланууда. Кесиптик билимдерди алмашуунун маанилүүлүгүн түшүнүү менен, «БАПБ» ЖАК “Элкарт” Улуттук төлөм системасынын оператору катары системанын Катышуучулары үчүн эки күндүк окуу семинарын өткөрдү.
Семинар рыноктун Катышуучулары менен «БАПБ» ЖАКтын кызматкерлеринин ортосундагы ачык диалог үчүн аянтча болуп калды. Иш-чаранын жүрүшүндө компаниянын адистери «Элкарт» УТСнын продуктулары жана функционалдуулугу, транзакцияларды иштетүү процесстери, кардар маалыматтары менен өз ара аракеттенүү, эсептер жана карталар менен иштөөнүн өзгөчөлүктөрү, ошондой эле дооматтар менен иштөө ыкмалары жана алдамчылык транзакцияларды аныктоо функционалдуулугу жөнүндө кеңири айтып беришти. Жаңы өнүмдөрдүн мүмкүнчүлүктөрүнө жана Кыргызстанда «Элкарт» УТСнын карталарын жана QR төлөмдөрдү колдонуу менен накталай эмес төлөмдөрдү өнүктүрүүнүн келечегине өзгөчө көңүл бурулду.
Катышуучулар белгилегендей, “БАПБ” ЖАКнун эксперттери менен түз байланыш «Элкарт» УТСнын продуктыларынын жана кызматтарынын иштешин тереңирээк түшүнүүгө гана мүмкүндүк бербестен, пайда болгон маселелерди ыкчам чечүүгө мүмкүндүк берет, бул өнөктөштүктү натыйжалуураак кылат. “БАПБ” ЖАК өнөктөштөрдү тиешелүү билим менен камсыз кылуу жана өлкөдө санариптик төлөмдөрдү өнүктүрүүнү колдоо менен билим берүү демилгелерин активдүү өнүктүрүүнү улантат.